Ezinye imuli zibikwa seziphila ngezithelo zeganga eBeitbridge ngenxa yendlala esihlasele ngamandla.
Isigaba lesi ngesinye sezigaba zeMatabeleland South ezisankangala ezihlala zihlaselwa yindlala ngoba umkhathi wazo ungavumeli izulu elaneleyo.
“Ngifice enye imuli ingelakudla bewomise imilomo besidla isihlala okuthiwa ngumkhomo,” kutsho ummeli weBeitbridge edale lephalamende uNkosikazi Sipho Dube.
Sidliwa njani ke isithelo somkhomo lesi?
“Bayawufaka umkhomo emanzini uncibilike besebefaka itshukela bagoqoze,” kuchasise uMadube.
“Nxa ungelayo itshukela, yikuzigoqozela nje uzidlele. Kwesinye isikhathi bapheka ngawo iporridge. Kodwa lapho engifike khona bebengelayo impuphu yeporridge.
“Bangitshele ukuthi umumbu othengiswa eGMB ukhona njalo uthengiswa nge$15 kodwa babengelayo leyo mali, kabayenelisi,” uqhubeke echasisa uMadube.
Wengeze wathi umumbu kahulumende lo kumele uphiwe abaswelayo kungela mbadalo.
Uhulumende uthi bedlula izigidi ezine abantu abalambayo eZimbabwe abamele bancediswe ngokudla lonyaka.
Your browser doesn’t support HTML5
Ingxoxo loNkosikazi Sipho Dube