Ababalisi Bemaphandleni Badonsela Umqhatshi Wabo Enkantolo Phezu Kodaba Lokubaxotsha Umsebenzi

WASHINGTON DC - Inhlanganiso emela ababalisi bemaphandleni, iAmalgamated Rural Teachers Union of Zimbabwe (ARTUZ), isihambe emthethwandaba ukuyaphikisa isiqondiso sokuthi ababalisi abangasoze babuyele emsebenzini namuhla bazaxotshwa umsebenzi.

Linhlanganiso ifikise loludaba eHigh Court izolo imelwe ngamagqwetha eZimbabwe Lawyers for Human Rights.

Ugatsha oluqhatsha izisebenzi zikahulumende olwePublic Service Commission (PSC) yilo olwazise ngeviki edluleyo ukuthi ababalisi abazakwehluleka ukubuyele emsebenzini namuhla kumele babekwazi ukuthi bazabe sebezixotshile umsebenzi.

Ababalisi abayanga ezikolo ekuvulweni kwazo kumaviki asanda kwedlula bekhala ngeholo eliphansi. Uhulumende uke wazama ukubaxotsha umsebenzi kodwa wavinjwa yiHigh Court ngeviki edluleyo isithi akalawo lawomandla.

Isikhulumeli seARTUZ uMnu Thembakuye Moyo utshele iStudio 7 ukuthi lanxa ababalisi besethuselwa ngumqhatshi wabo, ababuyeli emsebenzini namuhla andubana baholiswe iUS$540 abayifunayo.

Embed share

Ingxoxo loMnu Thembakuye Moyo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:26 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala