Ababalisi bemaphandleni bathi ukuswelakala kwemitshina yamacomputer lobulembu beinternet ezikolo abafundisa kizo kuyabaphambanisa kakhulu emsebenzini wabo.
Bathi kumele kufakwe amandla kagetsi ezikolo njalo kube lamacomputer ukuze benelise ukudinga ulwazi olujulileyo ebulenjini ngezifundo abazifundisayo.
Isiphathamandla senhlanganiso emela ababalisi bemakhaya, iRural Teachers Union of Zimbabwe, uMnu Gift Siziba, uthi kunengi abahlangana lakho okumele kulungisiswe.
“Ukusilela kwamagetsi emakhaya kubangela ukuthi ababalisi abanengi batshiye umsebenzi bayefundisa kumaprivate schools emadolobheni,” kutsho uMnu Siziba.
“Amacomputer ayadingakala ukuze ababalisi benelise ukudinga ulwazi olutsha ngabakufundisayo. Ukusilela kwawo kuyabaphazamisa labo abantwana.”
USiziba wengeze wathi uhulumende kumele abhadale ababalisi bemaphandleni imali ethe xaxa ngoba esikhathini esinengi iholo labo liphelela kundlekko zokugada besiya ezikolo zabo.
