Ukumiswa kwababalisi abangafundelanga umsebenzi eLupane kubikwa sokubangele ukusilela kwababalisi ezikolo, izakhamizi zifakazele lumsakazo.
Ababalisi laba, abazibizwa ngokuthi ngama-temporary teachers ngolimi lweSingisi, bamiswe umsebenzi nguhulumende ekuqaleni komnyaka.
“Abantwana abanengi ikakhulu ezikolo zamaPrimary vele akusafundwa,” kutsho isakhamamuzi seLupane uMnu Celani Ncube.
“Ababalisi laba bebencedisa kakhulu besebenza lababalisi amafundela umsebenzi, kodwa kathesi akusela babalisi. Sesike sazama ukukhuluma lohulumende kodwa akula nguquko.”
Your browser doesn’t support HTML5
Udaba Silethulelwa nguMavis Gama
Ngaphandle kwalokhu, uMnu Ncube uthi isigaba sakhe sibhekane njalo lendlala embi. Okudanisayo yikuthi akulasizo lokudla ngitsho oluphiwa abalambayo ngokudla.
“Izakhamizi azivunanga lutho lonyaka, indlala ibhahile emakhaya lapha njalo asiyiboni imizamo enziwa nguhulumende ukuthi asize abantu,” uqhubeke echasisa uMnu Ncube.
Wengeze wathi okwenza umumo ube mubi yikuthi uzulu kalayo imali angathenga ngayo ukudla ngoba imisebenzi ayitholakali elizweni.
Uhulumende uthi bedlula izigidi ezine, 4 million, abahlaselwe yindlala lonyaka abadinga usizo njalo uMongameli Mugabe uthi bonke abalambayo kumele baphiwe ukudla kungelakukhethana ngezombusazwe.