Uhulumende sekhweze intengo yempuphu isuka ku$50 isaka le10kg isiya ku$75, emizameni yokuqeda ukusilela kwayo.
Inkokhekheli zamazwe eAfrica kanye lenkulungwane zabantu zibikwa bezithe gwaqa ngoLwesibili eKenya emthandazweni wokuvalelisa owake waba ngumongameli walelolizwe uMnu. Daniel Arap Moi obhubhe ngiviki edluleyo.
Umongameli Emmerson Mnangagwa ugcizelele ngoMvulo emhlanganweni osaqhubeka owomanyano we African Union eEthiopia ukuthi kufanele izijeziso zomnotho ezetheswa eleZimbabwe zethulwe ngoba zibuyisela ilizwe emuva kwezentuthuko njalo okuqakathekileyo yikuthi kukhulunyiswane-i dialogue.
Izakhamizi ezifika phose ikhulu lamatshumi amathathu 128 ziphila ngokulima esivandeni seZabajimba esasungulwa eminyakeni emithathu edluleyo kulandela ukuvuselelwa kwedamu leZabajimba nguhulumende weMelika.
Inkundla ye Stanley Hall izathiwa yiLiberation Legacy Square. Ikilinka ye Phelandaba isizathiwa yi Thenjiwe Lesabe Clinic.
Umongameli Trump ubesemkhulekweni we National Prayer Breakfast eweteleni eWashington DC ngoLwesine, lapho ancome ibandla lakhe lamaRepublicans njalo wabonakala ethwele iphephandaba ebelilotshwe ukuthi "Acquitted" lilomfanekiso wakhe.
I politburo ithe lanxa ingasekeli inkohlakalo, kodwa ngokwethesa uMnu Tagwirei labanye bakhe amacala, abathathu laba batshengise ukungahloniphi inkokheli yebandla.
Ugatsha lukahulumende olwezempilakahle luthi abazatholakala belegcikwane leli bazasiwa esibhedlela seWilkins lese Beatrice Infectious Disease Hospital, eHarare ngesiphangi-phangi, ukuyahlolwa khona.
Uhulumende uthi uzalobelana isivumelwano labamabhizinisi, kanye lezisebenzi ezikumanyano weTripartite Negotiating Forum, ezizabona ukuthi iholo kanye lentengo yempahla kuyahambelana.
Ugatsha lukahulumende olubona ngezamanani olweZimStats luthi imali efunwa yimuli elabantu abahlanu ukuthi baphile kuhle ngenyanga ikhuphuke isuka ku$3,656 ngoLwezi yaya ku$4,188 ngenyanga edluleyo ngamadola eZimbabwe.
Lokhu kwenzakala intengo yamafutha la seyakhwezwa njalo kumaviki amabili adluleyo.
Ubhubhe lendodakazi yakhe eleminyaka elitshumi lantathu uGianna ngeSonto ntambama edolobheni le California ngemva kokuwa kwendizamtshina ye helicopter abekuyo.
Imuli ezathinteka kakhulu kulesi isehlakalo zigcinwe endlini yeguest house yenkampani yeHwange Colliery kanye leCinderella, njalo inengi lazo livela eLwendulu, eMpumalanga, kanye leRailways.
Kukhangelelwe ukuba lomkhosi omkhulu owe rally eNtabazinduna ekupheleni kwenyanga ezayo lapho okuzabuthana amabandla ezombusazwe, inhlanganiso ezizimeleyo, labantu balesosigaba abaholwa yinduna eyakhutshwa esikhundleni nguhulumende uMnu. Nhlanhlayamangwe Ndiweni.
Uhulumende uthi usebumbe i-taskforce elomlandu wokubona ukuthi impuphu ithengiswa ngemfanelo, njalo ayisiwa emkambo omnyama, ukwenzela ukuthi itholakale lula ezitolo.
Uhulumende, encedisana lenhlanganiso ezizimeleyo ukhangelelwe ukukhupha amanzi asezindlini zemuli ezedlula ikhulu, ezathinteka ngemva kokuna kwezulu lesikhukhula eHwange ngoMgqibelo odluleyo, eladala umonakalo omkhulu.
Ibandla leMDC lithi umeli walo weMbare edale lephalamende uMnu Starman Chamisa ucatshile ngemva kokuhlaselwa ngabasakhulayo abakade behlome ngembemba lezigodo izolo.
Umanyano weEuropean Union uthi kufanele kubelokukhulumisana phakathi kukahulumende lamabandla wonke aphikisayo ukwenzela ukuthi kube lenguquko kwezomnotho welizwe, ezombusazwe, kanye lakumalungelo oluntu
Umphathintambo obona ngezemali uMnu Mthuli Ncube usemhlanganweni weWorld Economic Forum (WEF) eDavos kweleSwitzerland lapho athi usehlangane leziphathamandla zakwamanye amazwe labosomabhizimusi baxoxisana ngendlela abangasebenzelana ngayo kwezentuthuko.
Abawelwe yingozi yezulu lesikhukhula eHwange ngoMgqibelo balahlekelwa zimpahla ezitshiyeneyo sebethole usizo oluvela kubosomabhizimusi beVictoria Falls kanye labezinkonzo.
Ukwengezelela
