Usomlomo wedale lephalamende eMelika, eleHouse of Representatives, uNkosikazi Nancy Pelosi uthi kasoze avumele abebandla eliphikisayo elamaRepublicans bevimba ikhomithi aseyibumbile ezaphenya udlakela olwabangelwa ngabasekeli bakaMnu Donald Trump eCongress mhlaka 6 ngoZibandlela.
Abemuli yowalwa impi yenkululeko ekuviyo leZipra njalo obeyintathelizindaba uMnu Saul Gwakuba Ndlovu sebesole ukungaphiwa kwakhe inhlonipho yeqhawe lesizwe libandla leZanu PF.
Imidlalo yamaOlympics iyaqala kweleJapan namuhla njalo izavulwa ngokusemthethweni emcimbini omkhulu ozaphuma kumabonakude emhlabeni jikelele emini.
Kubhubhe abantu abangamatshumi ayisithupha lanye, 61 ngeCovid-19 eZimbabwe ngoLwesine.
Umphathintambo wezemali uMnu Mthuli Ncube uthi uzakwethula umbiko wakhe owaphakathi laphakathi komnyaka okhangelane lesimo somnotho kanye lendleko zikahulumende oweMid Term Budget and Economic Review ngoLwesine oluzayo hatshi namuhla njengalokhu obekukhangelelwe.
Umkhakha weCovid-19 omemetheka ngamandla njalo obulala abantu abanengi obizwa ngokuthi yiDelta ususabalele eMelika wagxila ngesilinganiso sokungamatshumi ayisitshiyangalombili lantathu ekhulwini, 83 percent.
Amapholisa athi abophe abantu abalitshumi abetheswa amacala okuntshontsha izifuyo ezigoqela inkomo lamadonki koMadlambudzi, ePlumtree.
Omunye wabasekeli bakaMnu Donald Trump abaphatheka kudlakela lokuhlasela edale leCongress ngoZibandlela wetheswe isigwebo sokupika okwenyanga esiyisitshiyangalombili izolo.
Umkhuhlane weCovid-19 usumemetheka ngamandla eMelika lapho osubulele khona abantu abedlula ingxenye yesigidi, 609,018, njalo wahlasela abedlula izigidi ezingamatshumi amathathu, 34 million.
Intathelizindaba elodumo eyakhe yasebenzela umsakazo weStudio 7 uNkosazana Sandra Nyaira kasekho.
Umanyano weAfrica Union wethule umbiko izolo usola udlakela olwenzakalayo eEswatini njalo usithi uhulumende kanye lalabo abatshengiselayo kumele bekhulumisane.
Owake waba ngunobhala wezomvikela kweleMelika uMnu Donald Rumsfeld kasekho.
Kulowesifazana ongasabuquthi kulezinsuku edinga indodana yakhe ecine ukubonakala edolobheni leHarare mhlaka 5 kunyanga esanda kwedlula.
Kubhubhe abantu abangamatshumi phose amathathu, 28, ngeCovid-19 eZimbabwe ngoLwesithathu.
Sokuqhamuke ukutshisa okumangalisayo eMelika laseCanada okubikwa kubangelwa yikuguquka komkhathi, i-climate change.
UMongameli Emmerson Mnangagwa useqinise iziqondiso zokwenqabela ukumemetheka kwalumkhuhlane ngokufaka ilizwe kuzinga lesine leLockdown Level 4.
Owake waba nguMongameli weMelika uMnu Donald Trump uqhubeke ngoMvulo echothoza amalunga ebandla lakhe eliphikisayo elamaRepublicans.
Ibandla leZanu PF lithi selimise ukudilizwa kwezindlu zabantu nguhulumende endaweni ezifana leHarare kanye laseMelfort eMashonaland East lapho ikhansili yeGoromonzi edilize khona izindlu ngempelaviki isithi zakhiwe ngaphandle komthetho.
Kubhubhe abantu abalitshumi lantathu, 13, ngeCovid-19 eZimbabwe ngoMvulo njalo kwatholakala abedlula amakhulu ayisitshiyangalombili, 842, belomkhuhlane lo.
Onqotshwe nguMongameli weMelika uMnu Joe Biden kukhetho olwedluleyo uMnu Donald Trump wenze umhlangano labasekeli bakhe eOhio ngoMgqibelo lapho aqhubeke khona ekhala ngokuthi waqilibezelwa kulolukhetho lanxa nje kungela bufakazi.
Ukwengezelela
