Abasakhulayo beMDC eHarare lakoBulawayo bathi ayizitha amalunga alelibandla afisa ukuncintisana lomkhokheli walo uMnu Nelson Chamisa kuCongress ezakwenziwa ngoNkwenkwezi.
Icala lokudlwengula ebelisetheswa umkhokheli weMDC uMnu Nelson Chamisa libikwa selesuliwe ngemva kokuvela ukuthi umamangala ngumuntu obulawa ngumkhuhlane wengqondo.
Inhlanganiso yeZimbabwe Lawyers for Human Rights isichothoze uhulumende isithi uyaqhubeka ngokuhlukuluza amagqwetha ayo kanye labalwela ukulondolozwa kwamalungelo kazulu.
Umphathintambo wezemithetho uMnu Ziyambi Ziyambi utshele umhlangano weUnited Nations obuhlaziya indaba zamalungelo oluntu eGeneva, kweleSwiterland, ngoLwesithathu ukuthi uhulumende weZimbabwe uyawalondoloza amalungelo kanti njalo uyawuhlonipha umbuso okhululekileyo.
Inhlanganiso yeAmnesty International ithi isithole ubufakazi bemisebenzi yenkohlakalo ebisenziwa yiziphathamandla zayo ezisebenzela eZimbabwe.
Usibalukhulu weReserve Bank of Zimbabwe uMnu John Mangudya uthi imali yeZimbabwe eyamaRTGS Dollars isingena kabili lengxenye kudollar laseMelika.
Abakhokheli bamabandla aphikisayo abaqale ukukhulumisana loMongameli Emmerson Mnangagwa ngoZibandlela bahlangane labameli bakaMnangagwa ngoLwesihlanu babumba amakhomithi amane azadlala indima ezitshiyeneyo enkulumeni lezi.
Lanxa uhulumende esithi izinqumo ezithethwe yiReserve Bank of Zimbabwe ngoLwesithathu zizaphathisa ekuvuseleleni umnotho, ezinye ingcwethi zithi lezi yizifiso nje zikaThemba loAmkela.
Usibalukhulu weReserve Bank of Zimbabwe (RBZ) uMnu John Mangudya wazise ngoLwesithathu ukuthi ngokusemthethweni, isindo semali yohlobo lwe-bond sesiphansi nxa siqathaniswa lesedola leMelika.
Usibalukhulu weReserve Bank of Zimbabwe uMnu John Mangudya uzakwethula umbiko wakhe obalulekileyo ophathelane lokusetshenziswa kwemali, oweMonetary Policy ngoLwesithathu.
Umanyano weEuropean Union uthi izijeziso owazethesa uMnu Robert Mugabe, umkakhe uGrace kanye lenkampani kahulumende elungisa izikhali zempi eyeZimbabwe Defence Industries zizaqhueka zikhona okomunye njalo umnyaka.
Izidumbu ezingamatshumi amabili lane zabembi begolide abafele emgodini weKadoma ngeviki edlulileyo ezibonakele ukuthi ngezabobani njalo izimuli zabafi laba seziqalisile ukubangcwaba.
Sokukhitshwe izidumbu zabantu abafele engozini yomgodini wegolide eKadoma ezingamatshumi amabili lane njalo kwahlengwa abantu abaphilayo abayisificaminwemibili.
Kuhlelo Woza Friday silomhlabeleli we-rumba, uG.R.K Mabuza ehamba leqembu lakhe leZihlangene Super Sounds bephethe idlalade labo elitsha elilesihloko esithi ‘Awuvele Sobala.’
UMongameli Emmerson Mnangagwa wethule umbiko wokukhumbula umuyi uMnu Morgan Tsvangirai ngoLwesine esithi wayengumuntu owayezinikele kakhulu elizweni lakhe njalo elwela ukubambana kanye lombuso okhululekileyo.
Umanyano weEuropean Union ukhangelelwe ukuhlaziya udaba lwezijeziso owazethesa iziphathamandla zebandla leZanu PF ngeviki ezayo lapho ozaphuma khona lesinqumo ekuthini wesule izijeziso lezi na kumbe ziqhubeke zikhona.
Umeli weChegutu West edale uMnu Dexter Nduna, umangalele umeli weNorton uMnu Temba Mliswa emthethwandaba ngoLwesibili esithi ungcolise ibizo lakhe emphakathini.
Kuqhamuke ingxabangxoza edale lephalamende ngoMvulo lapho amalunga ekomidi ebona ngezemigodi amabili aphose atshayana khona.
Usibalukhulu weReserve Bank of Zimbabwe uMnu John Mangudya ngoMvulo ulandule imbiko yokuthi uhulumende uzakwethula imali entsha kuliviki.
Ukukhalala umsebenzi kwababalisi kungene kulanga lesithathu elizweni lonke jikelele ngoLwesine izikolo ezinengi zivaliwe kungafundwa.
Ukwengezelela
