WASHINGTON —
Inhlanganiso yomanyano wamazwe omhlaba ekhangelane lokuthuthuka kwenhlalakahle kazulu, eye United Nations Development Programme (UNDP), yethule umbiko ngomnyaka ophelileyo oveza ukuba bayingcosana osomabhizimusi bemazweni abazimisele ukuvula amafekithali kwele Zimbabwe.
Umbiko lo uveza njalo ukuthi osomabhizimusi bemazweni balethe izigidi phose ezingamakhulu amane zamadollar- $387 million ngomyaka ka 2011. Ngomyaka ka 2010, osomabhizimusi laba balethe izigidi ezedlula kancance ikhulu lamatshumi amahlanu amadollar - $166 million.
Le yimali encane nxa kuqathaniswa lamanye amazwe anjenge Mozambique ethole amabillion amabili amadollar - $2 billion, yokuthuthukisa umnotho wayo ivela emazweni athuthukileyo ngesikhathi sinye.
IWorld Bank ithi okusindayo yikuthi ele Zimbabwe lilemthetho eyethusayo yama licences kanye lama permits okuvula amabhizimusi.
Kodwa-ke ezinye ingcwethi zenotho zithi okuhlupha ele Zimbabwe luhlelo lwe indigenization olwethusa osomabhizimisi bemazweni.
Umpathintambo wezokuthuthukiswa kwenotho kazulu, uMnu. Saviour Kasukuwere uthi uhlelo lolu luyaphumelela okuvezwa yikuthuthuka kwamanye amankampani anjenge Schweppes ayabele uzulu amashares phansi kohlelo lolu.
Ugatsha lolu soluthwalise nzima amabhanga elifuna abele uzulu amashares ayisilinganiso sokungamatshumi amahlanu lanye ekhulwini – 51%.
Uzulu lokhe ethiye indlebe emelele ukuzwa ukuthi kuzozala nkomoni emabhanga lamanye amankampani okumele ehlukane lamashares afunwa nguhulumende. Akhona amabhanga asetshele uhulumende ukuthi alakho ukwehlukana lamashares amalutshwana aphinde avule izikhwama zamaCommunity Share Ownership Schemes.
Umbiko lo uveza njalo ukuthi osomabhizimusi bemazweni balethe izigidi phose ezingamakhulu amane zamadollar- $387 million ngomyaka ka 2011. Ngomyaka ka 2010, osomabhizimusi laba balethe izigidi ezedlula kancance ikhulu lamatshumi amahlanu amadollar - $166 million.
Le yimali encane nxa kuqathaniswa lamanye amazwe anjenge Mozambique ethole amabillion amabili amadollar - $2 billion, yokuthuthukisa umnotho wayo ivela emazweni athuthukileyo ngesikhathi sinye.
IWorld Bank ithi okusindayo yikuthi ele Zimbabwe lilemthetho eyethusayo yama licences kanye lama permits okuvula amabhizimusi.
Kodwa-ke ezinye ingcwethi zenotho zithi okuhlupha ele Zimbabwe luhlelo lwe indigenization olwethusa osomabhizimisi bemazweni.
Umpathintambo wezokuthuthukiswa kwenotho kazulu, uMnu. Saviour Kasukuwere uthi uhlelo lolu luyaphumelela okuvezwa yikuthuthuka kwamanye amankampani anjenge Schweppes ayabele uzulu amashares phansi kohlelo lolu.
Ugatsha lolu soluthwalise nzima amabhanga elifuna abele uzulu amashares ayisilinganiso sokungamatshumi amahlanu lanye ekhulwini – 51%.
Uzulu lokhe ethiye indlebe emelele ukuzwa ukuthi kuzozala nkomoni emabhanga lamanye amankampani okumele ehlukane lamashares afunwa nguhulumende. Akhona amabhanga asetshele uhulumende ukuthi alakho ukwehlukana lamashares amalutshwana aphinde avule izikhwama zamaCommunity Share Ownership Schemes.
