Umgadli uKnox Mutizwa nguye yedwa umdlali oyisizalwane sakwele Zimbabwe owenelise ukulitshayela emambuleni kumidlalo edlalwe ngempelaviki eyedluleyo esigabeni se DSTV Premiership elizweni lase South Africa.
Inengi labalandeli bomdlalo wenguqu abasekele iqembu leZimbabwe Warriors lisola umqeqetshi ngendlela ahlele ngayo amabhiza akhe enkundleni okutshiye imibuzo eminengi ukubana kungani abanye abadlali abakade bedlale kuhle emdlalweni wakuqala bengasatholanga ithuba lokudlala imidlalo elandelileyo.
Umqeqetshi weqembu le Trukumb uLizwe Sweswe uthi umdlalo wakuqala ubuvele unzima kuqembu le Zimbabwe njengoba belidlala leqembu elimela ilizwe okuyilo eliqoqe lumncintiswano we Chan.
Embikweni owethulwe phambilini kokuphakama kwaleliqembu, kalisozelihle liqonde kwele Cameroon, okuyilapho okuzaqhutshelwa khona limidlalo, kodwa lizaqala liye elizweni lase Ethiopia.
Inhlanganiso yeZimbabwe Football Association nyakenye ike yapha amaqembu izimali zokuwancedisa kodwa leyomali iphume kanye kuphela njalo inengi lamaqembu likhale ngokuthi ibivele incane.
Abadlali laba bayingxenye yeqembu eliphakathi kwamalungiselelo awokuyaphatheka kuncintiswano we African Nations Championships ozaqhutshelwa elizweni le Cameroon ngomnyaka ozayo.
Umqeqetshi uZdravko Logarusic uphe abadlali ithuba lokuyadlala ikhefu lekhisimusi lemuli kodwa uthi bazaphanga bephenduke njalo enkambeni ngoba umkhulu umsebenzi ababhekane lawo.
Abenhlanganiso yabake badlalela iqembu leHighlanders eyeFormer Highlanders FC Players Association, bathi sebeleminyaka emithathu baqala ukuvakatshela amathuna alabo ababedlala labo eminyakeni edlule.
Iqembu le Highlanders lilobelane isivumelwano esemvunulo eyokugqoka nxa iqembu lidlala lalapho lizilolonga labe On The Ball njalo isikhulumeli seqembu uRonald Moyo uthi isifiso sabalandeli esokuba labo bagqoke njengabadlali sesizafezeka.
UNdiraya utshele intathelizindaba ekupheleni komdlalo weqembu lakhe lele Mozambique, wona ophele iqembu leMozambique linqobe nge2 ka nya, ukuba imbangela yokunqotshwa kweqembu lakhe yikuba abadlali alabo kabaphekekanga bavuthwa kuhle.
Iqembu lenguqu eleFC Platinum lidibana leqembu laseMozambique ele Costa Dol Sol, kuhlandla lesibili lomdlalo wePreliminary Round eyomncintiswano weCAF Champions League.
Umqeqetshi weqembu labesilisa lama Under 20, uTonderai Ndiraya labanye bakhe bakhethe abadlali abambalwa abayingxenye yamaqembu adlala kusigaba se Premier Soccer League kuqembu labadlali abangamatshumi amabili elizamela ilizwe kumncintiswano we COSAFA
AbeZimbabwe bathi indlela yokuhlola amathambo abadlali, eyeMRI, okuyiyo esetshenziswe ukubona ukuba abadlali beqembu lamaUnder 17, bangakanani , akuvezi obala ukuba umdlali uleminyaka emingaki.
Iqembu le Algeria yilo ebeliqale ukuhlohla lalitshayela emambuleni kabili kwathi uMusona wahlohla elakuqala igoli le Zimbabwe kwasekusithi uDube wasehlohla elokulinganisa umdlalo ususiya fika komlindi uyacina.
Umqeqetshi weqembu lama Warriors uZdravko Logarusic utshele intathelizindaba zemidlalo phambilini kokuphakama kweqembu leli lilubhekise kwele Algeria ukuba yena labadlali bakhe bazimisele ukuyamela ilizwe le Zimbabwe khonale kwele Algeria loba nje amalungiselelo abo abengekho mahle.
Abalandeli bomdlalo kakhilikithi bathi kusase kunengi okumele kulungisiswe kuqembu leChevrons lona elitshaywe nge 3 ka nya ngele Pakistan.
Iqembu le Zimbabwe linqotshwe nge 1 ka nya liqembu le Botswana emdlalweni wokucina owesibaya sika Group C okuyimpumela etsho ukuba iqembu le Botswana yilo eselithole ilungelo elokudlulela kusigaba esilandelayo esomncintiswano.
Ekhuluma lentathelizindaba zemidlalo umqeqetshi weqembu lamawarriors, uZdravko Logarusic uthe yena akusilo qiniso ukuba bakhona abamtshela ukuba abize baphi abadlali kuqembu elimela isizwe emdlalweni wenguqu.
Uhulumende weZimbabwe, uphe inhlanganiso ye Zifa imvumo eyokuba umdlalo wenguqu usungadlalwa elizweni njalo kuzaqala izigaba ezibalisa ese Premier Soccer League, ese Zimbabwe Women Soccer League kanye lamaqembu amela ilizwe.
Ngokwakuqala ukuba iqembu leZimbabwe elaziwa ngegama lokuthi ngamaChevrons lidibane lelinye iqembu elimela elinye ilizwe selokhu ezemidlalo zaphazamiswa yikuqhamuka komkhuhlane we Covid – 19.
Ukwengezelela
