Umqeqetshi weqembu lomdlalo wenguqu elimela ele Zimbabwe, elamaWarriors, uJoey Antipas useveze ithemba lokuthi iqembu leli lizathola yonke imiklomelo yomithathu ngemva komdlalo walo lele Zambia ozaqhutshelwa kwele Zambia NgoLwesibili.
Umqeqetshi weqembu lenguqu ele Highlanders, uHendrik Pieter de Jongh uthi engasuthiseka kakhulu nxa Iqembu leli lingaphutsha imidlalo yalonyaka lihlezi endaweni yethoba minwe mbili engalaneni yemiklomelo, esigabeni saphezulu eseCastle Lager Premier Soccer League.
Iqembu leHighlanders lizadibana leleNgezi Platinum kufinal yalonyaka yenkezo yeChibuku Super Cup ngemva kokuphumelela kwamaqembu womabili kuma-semi aqhutshwe ngempelaviki.
Iqembu le Triangle liphelelwe ngumphako ngemva kokunqotshwa ngele Nouadhibou elase Mauritania.
Iqembu le Talen Vision lihlale okwesikhathi eside lisesiqongweni sengalane yemiklomelo kodwa laselithathelwa lesisikhundla ngemva kokunqotshwa ngele Indlovu Iyanyathela ngoLwesihlanu olwedluleyo.
UBright Moyo owazakala ngegama lokuthi Bry ucula umdumo weDance Hall esedolobheni leGwanda.
Linqobe ele Yadah nge 3 ka 1 emdlalweni weviki lamatshumi amabili elesigaba seCastle Lager Premier Soccer League okuyimpumela ekhuphule inani lemiklomelo elilayo yaya kumatshumi amathathu lathoba munwe munye.
Asehleliwe amaqembu enguqu ukuthi azadlala njani kusigaba sama-quarter finals enkezo yeChibuku Super Cup njalo iqembu leHighlanders lizangqikilana leleFC Platinum.
Iqembu leli likhuphuke layahlala endaweni yetshumi engalaneni yemiklomelo ngemva kwemidlalo eyeviki lamatshumi amabili lesithupha lapho elinqobe khona ele TelOne nge 2 ka nya.
Umqeqetshi weqembu le FC Platinum uLizwe Sweswe uthi ukuhamba imango emide kungabaphazamisa kumkhankaso wabo emncintiswaneni wokudinga intshantshu zezwekazi lase Africa.
Umqeqetshi weqembu lenguqu ele Chicken Inn, uJoey Antipas uthi iqembu lakhe, lisaselalo ithuba elokuphakamisa isicoco seligi loba nje selitshiywa ngemiklomelo emihlanu liqembu elihlezi phezu kwengalane ele CAPS United.
Kweminye imidlalo yangoMgqibelo iqembu le Ngezi Platinum Stars lizadlala lele Mushowani Stars ngase Baobab kuthi ele ZPC Kariba lizadibana lele Hwange ngase Nyamhunga.
Iqembu le Highlanders lihlohlelwe ngu Prince Dube yena ohlohle igoli elilodwa kanye lo Tinashe Makanda yena olitshayele kabili emambuleni.
UMpofu utshele intathelizindaba zemidlalo ukuba bakhangelele ukunqoba emdlalweni wabo abazawudlala ngoLwesithathu leqembu le Bulawayo Chiefs.
Iqembu le Talen Vision selilemiklomelo engamatshumi amane lathoba munwe munye ngemva kokubhaxabula ele Moto Moto nge 13 ka nya.
Iqembu ebelihlezi esiqongweni phambilini kwemidlalo yanamuhla eleZPC Kariba lilemiklomelo engamatshumi amane njalo lehle layahlala endaweni yesibili.
Iqembu le Highlanders liqhubekela phambili liqhuba nzima esigabeni se Castle Lager Premier Soccer League njengoba ngeSonto lehluleke ukunqoba iqembu elingene lonyaka esigabeni lesi saphezulu ele Mushowani Stars emdlalweni oqhutshelwe enkundleni ye Barbourfields.
Iqembu labesifazane elimela ilizwe le Zimbabwe emdlalweni webhola lokuqaga lithe ngokudlala kuhle elikwenze kumncintiswano wezizwe zomhlaba oqhutshelwe kwele Bhilithane emaviki ayedluleyo lathenjiswa inkulungwane ezingamatshumi amabili nguhulumende kodwa lalamhla lokhu bengakayitholi.
Umqeqetshi weqembu lomdlalo wenguqu ele FC Platinum uNorman Mapeza uthi iqembu lakhe kuzamele libophe ziqine ukuze lidlulele kusigaba esilandelayo esomncintiswano we CAF Champions League.
Iqembu le Bosso likhuphuke layahlala endaweni yethoba munwe munye engalaneni yemiklomelo lilemiklomelo engamatshumi amabili lantathu ngemva ngemva kokunqoba elikwenze ele Black Rhinos ngoMgqibelo.
Ukwengezelela
